Festa - miðstöð um samfélagsábyrgð Festa - miðstöð um samfélagsábyrgð

Hrönn Ingólfsdóttir

Hrönn er forstöðumaður verkefnastofu hjá yfirstjórn Isavia sem heldur meðal annars utan um samfélagslega ábyrgð fyrirtækisins. Hún hefur langa reynslu sem stjórnandi, var meðal annars framkvæmdastjóri hjá Flugstöð Leifs Eiríkssonar og Skeljungi og í framkvæmdastjórn Hörpu, tónlistar- og ráðstefnuhúss. Hrönn hefur setið sem varamaður stjórnar Fríhafnarinnar og í varastjórn Arion banka.

Hrönn er MA í auglýsingafræði frá Michigan State University, MSc í aðferðafræði félagsvísinda frá University of Edinburgh og MBA frá Háskóla Íslands. Hún hefur auk þess lokið diploma sem viðurkenndur stjórnarmaður frá Háskóla Íslands.

Tómas Njáll Möller

Tómas Njáll Möller er yfirlögfræðingur Lífeyrissjóðs verzlunarmanna. Tómas hefur starfað hjá fjármálaráðuneytinu, í sendiráði Íslands í Brussel og á vettvangi lífeyrissjóða. Starfsreynslan lýtur m.a. að fjárfestingarstarfsemi, stjórnarsetu, stjórnarháttum, ábyrgum fjárfestingum og umboðsskyldu stofnanafjárfesta.

Erna Eiríksdóttir

Erna er sjálfstætt starfandi og hefur langa reynslu sem stjórnandi, lengst af sem forstöðumaður hjá Eimskip og með setu í stjórnum fyrirtækja. Hún er viðskiptafræðingur frá Háskóla Íslands, með MBA gráðu frá Háskólanum í Reykjavík og löggildingarpróf í verðbréfaviðskiptum.

Hrefna Sigríður Briem

Hrefna Sigríður Briem er forstöðumaður BS náms í viðskiptafræði og hagfræði við Háskólann í Reykjavík. Hún sinnir auk þess kennslu, situr í ráðum, starfshópum og nefndum á vegum skólans. Hún hefur auk þess kennt hjá NMÍ, EHÍ og verkfræðideild HÍ. Hún er formaður vottunarnefndar vottaðra fjármálaráðgjafa hjá Samtökum fjármálafyrirtækja (og stýrði verkefninu um raunfærnimat bankamanna hjá Samtökum starfsmanna fjármálafyrirtækja). Hún var um árabil formaður faghóps um stefnumiðað árangursmat hjá Stjórnvísi auk þess að sitja í stjórn og sem formaður gæðaráðs félagsins.

Jóhanna Harpa Árnadóttir

Jóhanna Harpa er verkefnisstjóri samfélagsábyrgðar hjá Landsvirkjun, auk þess að vera stundarkennari í sjálfbærni við Tækni- og verkfræðideild Háskólans í Reykjavík. Hún hefur langa reynslu af því að vinna með sjálfbærni og umhverfismál hjá fyrirtækjum, meðal annars í stóriðju. Jóhanna Harpa er M.Sc. í verkfræði frá DTU í Kaupmannahöfn og var um árabil formaður Verkfræðingafélags Íslands, fyrst kvenna.

Sæmundur Sæmundsson

Sæmundur er forstjóri Borgunar. Hann hefur langa reynslu sem stjórnandi, var meðal annars forstjóri Teris og framkvæmdastjóri hjá Sjóvá. Sæmundur er tölvunarfræðingur að mennt frá University of Texas í Bandaríkjunum og hefur auk þess aflað sér víðtækrar viðbótarmenntunar á umliðnum árum, m.a. á sviði verkefnastjórnunar, hugbúnaðarþróunar, fundarstjórnar og stjórnunar.

Berglind Sigmarsdóttir

Berglind er í doktorsnámi í viðskiptafræði við HÍ, rannsóknin snýr að samfélagsábyrgð fyrirtækja og Heimsmarkmiðum SÞ. Berglind er alþjóðaviðskiptafræðingur frá Þýskalandi og með MPA frá HÍ. Hún hefur einnig lokið PMD stjórnendanámi HR sem og námslínu um ábyrgð stjórnarmanna.

Gestur Pétursson

Gestur er forstjóri Elkem Ísland og situr einnig í stjórnum fyrirtækja á alþjóðlegum vettvangi. Öll nýsköpun, vöruþróun, mannauðsmál og stjórnun samfélagsábyrgðar hjá Elkem tekur mið af alþjóðlegri meginleitni (e. megatrends) og framtíðarþörfum sem skapast vegna þeirrar þróunar á þeim mörkuðum sem félagið starfar á. Gestur er með meistaragráðu í verkfræði frá Bandaríkjunum.

Erla Tryggvadóttir

Erla Tryggvadóttir er með meistaragráðu (MSc.) í alþjóðaviðskiptum og markaðsfræði frá Háskólanum í Reykjavík og stundar nú MBA nám við sama skóla. Erla er jafnframt með BA-gráðu í stjórnmálafræði frá Háskóla Íslands. Erla hefur mikla reynslu úr auglýsingageiranum og fjölmiðlum, en hún hefur meðal annars starfað sem viðskiptastjóri hjá auglýsingastofunni Brandenburg og við dagskrárgerð hjá RÚV.

Erla er með [email protected]

Hrund Gunnsteinsdóttir

Hrund Gunnsteinsdóttir er framkvæmdastjóri Festu. Hún hefur víðtæka ráðgjafa- og stjórnunarreynslu — bæði á Íslandi og á alþjóðlegum vettvangi, hefur setið í fjölmörgum stjórnum og sérfræðingahópum og er stjórnarformaður Tækniþróunarsjóðs. Hrund hefur starfað sem stjórnandi, ráðgjafi og opinber starfsmaður Sameinuðu þjóðanna og situr í sérfræðingaráði Alþjóðaefnahagsráðsins (e. World Economic Forum) á sviðum tengdum fjórðu iðnbyltingunni og Heimsmarkmiðum Sameinuðu þjóðanna.

Hún hefur jafnframt starfað sem fyrirlesari víða um heim og verið ráðgefandi fyrir leiðtoga og frumkvöðla á sviði nýsköpunar og þróunarstarfs. Netfangið hennar er [email protected].