Íslenski ferðaklasinn og Festa standa að hvatningaverkefninu um Ábyrga ferðaþjónustu óska eftir tilnefningum um fyrirmyndarfyrirtæki í íslenskri ferðaþjónustu fyrir árið 2018.
Sérstök verðlaun verða afhent á degi Ábyrgrar ferðaþjónustu á ráðstefnu sem fram fer í Veröld – húsi Vigdísar fimmtudaginn, 6. desember kl. 08.39-10.00. Verðlaunin afhendir Guðni Th. Jóhannesson, forseti Íslands, sem jafnframt er verndari verkefnisins.
Leitað er eftir ábyrgum ferðaþjónustufyrirækjum sem:
- Ganga vel um og virða náttúruna
- Tryggja öryggi gesta okkar og koma fram við þá af háttvísi
- Virða réttindi starfsfólks
- Hafa jákvæð áhrif á nærsamfélagið
Ætlast er til að í rökstuðningi með tilnefningunni:
- Hefur fyrirtækið birt markmið um ábyrga ferðaþjónustu á vef sínum? (slóð)
- Getur þú gefið dæmi um markmið fyrirtækisins um að ganga vel um og virða náttúruna?
- Hvernig mælið þið öryggi ferðamanna og háttvísi í þeirra garð?
- Getur þú gefið dæmi um markmið fyrirtækisins um réttindi starfsfólks?
- Getur þú gefið dæmi um hvernig fyrirtækið hefur jákvæð áhrif á nærsamfélagið?
Tilnefningar óskast sendar á netfangið [email protected] fyrir miðnætti þann 30. nóvember 2018.